Sky726

見咁多好評，就去試下個晚餐，實在大失所望！差差差！叫左兩個set dinner, 一個龍蝦湯 大蝦risotto三百幾,一個西冷牛扒$418,甘筍忌廉湯~冇特別！餐包唔錯夠熱！沙律冇需特別烹調技巧，只可以講菜夠新鮮！主菜嚟到~龍蝦湯risotto，做到正宗生熟程度，但唔夠熱同少少苦澀味，到戲肉牛扒~我一啖都冇食過，我叫左五成！切開條邊，肉質呈現灰色，再公道啲，中間位再切一刀，都係帶灰色，即係overcook!!叫待應嚟睇，佢話可能我唔慣!我話：咁我叫嘅唔係咁！咁我點食呢?隔左十分鐘左右，有位廚師攞左我頭先碟牛扒出嚟，同我講：我嘅要求應該冇錯！條邊應該係會熟啲，當佢拎出嚟嘅時候，牛扒開始出血水，我話頭先我塊扒，的確係好熟，咁廚師哥哥話：唔緊要，我再煎塊 medium rare俾你，我ok!再隔多十幾廿分鐘之後，我再由邊位切起，今次係鋸唔開，我再切中間，又係鋸唔開，塊扒完全係生嘅！！！！！我估佢大概每邊煎左三十秒左右!韌到切唔開！我又叫待應嚟，可唔可以換過把刀俾我，我喺佢面前不停鋸，塊扒都唔可以斷開！但呢位待應態度認真麻麻，你要換刀，當然可以啦～我話：我真係切唔開，你睇到架啦！請你自己睇睇