皇茶冰室 (已結業)

荃灣路德圍附近, 衆多食肆嘅高手林立, 不同色菜式, 不同主題, 都可謂應有盡有。所以嚟得呢度搵食嘅人, 要求都好高, 唔係話你開間餐廳賣下食物就一定好生意。好似呢一間皇茶冰室, 佢隔離啲鋪仲排緊隊嘅時候, 佢裏面都仲有好多吉位剩, 唔需要等候、排隊。我哋就係趕時間, 所以只能夠選擇試是下依間。試完就知點解冇人排隊喇。凍咖啡及凍檸茶, 係ok嘅。 不過不失正正常常。煎雞扒撈公仔麵, 就出事喇。 雞扒應該係十熟嘅, 然後再烘一烘。感覺濕唔濕、乾唔乾咁。冇香煎的味道。而個撈公仔麵就係烚熟(烚淋)個公仔麵然後淋一啲有鹹味嘅汁落去。 (撈公仔麵唔係就咁樣就煮到好味㗎。)薯條雞翼麵包, 薯條ok, 雞翼都不過不失。 個麵包就……算吧啦。