日和号壽司料理 (已結業)

Megabox周围都好多人，唯独呢间无咩人，所以就入去试下啦。佢嘅价钱唔算贵，所以都想像到味道大概如何，食品质素普通，都叫对得住价钱嘅。我地叫左两个下午茶餐。极上牛肉赞岐乌冬（熊本黑蒜豚骨汤）（$69）得两片好生嘅牛肉，不过浸耐d都有熟。有半只流心蛋，的确做到流心效果。其他配料同汤嘅味道都系一般。赞岐乌冬好食，硬度适中，唔会煮得太淋。豚骨赞岐乌冬（芝士番茄豚骨汤）（$64）面嘅配料都系一般，不过不失，猪软骨味道尚可，特别想讲下佢个汤。本身饮完上面个熊本黑蒜豚骨汤觉得普通，饮完呢个芝士番茄豚骨汤觉得上面个熊本黑蒜豚骨汤都唔错，番茄汤配芝士唔系好夹仲有佢嘅芝士系一堆芝士酱，捞落汤奇奇怪怪咁。加州卷呢d下午茶餐都会配2件加州卷，加州卷都系普普通通，胜在开胃一流。火灸三文鱼寿司（$16）凡惠顾下午茶餐都可以以优惠价加配小食。三文鱼都烧得几香，份量适中，几好食。吉列炸生蚝（$18）咁第二款小食就叫左吉列炸生蚝，唔好睇佢大大旧咁，其实入面嘅生蚝好细只。不过都还可以，炸得都ok，出面个炸个皮都唔会太粉。海胆（$168）见佢个海胆咁啱半价，所以叫黎试下，无咩鲜甜味，但系唔会臭，味道尚可。佢比埋饭同埋紫