影片
更多
2010-03-05
12 浏览
睇報紙雜誌介紹,已經心思思想試.不過又自從經歷過<蘭芳園>既"慘痛"教訓之後,我呢d九龍人,唔敢再貿貿然一腔熱誠咁衝過海去試新野喇!上網先睇一睇openrice既食評先...發現多數既評語都將佢同<澳牛>比較,可能因為大家既餐既內容都係一樣...但幾乎全部都認為<澳牛>好食好多!但服務態度就<華星>優勝!好啦!今日一於同隻下午茶梗腳去試下啦!首先先評食物:1. 營養餐:內有火腿煎蛋/牛油多士/包熱飲(凍飲加2蚊)- 我鍾意食太陽蛋同件多士要燶d,呢度既太陽蛋,OK!我只能夠講既係:大部份既家庭同茶餐廳都一定煎得出同樣既水準...即係話,個煎蛋唔係特別標青囉!而塊火腿,咬落有煙肉味的.- 牛油多士略嫌塊麵包林咗少少,至於牛油分量亦略嫌搽得少咗d,同個多士唔太香口,有d失色!2. 另加點一客奶醬多...吖,幾特別個喎!因為佢地係搽粗粒花生醬,我就未曾食過一間餐廳係用粗粒花生醬個囉,加上我又喜歡吃喎!...所以,就覺得個奶醬多好正!值得推介!!3. 飲品:餐飲叫咗熱奶茶,umn...還可以啦!一般茶餐廳質素啦!(我位下午茶梗腳話
不過又自從經歷過<蘭芳園>既"慘痛"教訓之後,我呢d九龍人,唔敢再貿貿然一腔熱誠咁衝過海去試新野喇!
上網先睇一睇openrice既食評先...
發現多數既評語都將佢同<澳牛>比較,可能因為大家既餐既內容都係一樣...但幾乎全部都認為<澳牛>好食好多!但服務態度就<華星>優勝!
好啦!今日一於同隻下午茶梗腳去試下啦!
首先先評食物:
1. 營養餐:內有火腿煎蛋/牛油多士/包熱飲(凍飲加2蚊)
- 我鍾意食太陽蛋同件多士要燶d,呢度既太陽蛋,OK!我只能夠講既係:大部份既家庭同茶餐廳都一定煎得出同樣既水準...即係話,個煎蛋唔係特別標青囉!而塊火腿,咬落有煙肉味的.
- 牛油多士略嫌塊麵包林咗少少,至於牛油分量亦略嫌搽得少咗d,同個多士唔太香口,有d失色!
2. 另加點一客奶醬多...吖,幾特別個喎!因為佢地係搽粗粒花生醬,我就未曾食過一間餐廳係用粗粒花生醬個囉,加上我又喜歡吃喎!...所以,就覺得個奶醬多好正!值得推介!!
3. 飲品:餐飲叫咗熱奶茶,umn...還可以啦!一般茶餐廳質素啦!(我位下午茶梗腳話佢嗰杯鴛鴦係唔好飲既tim ar!)
**總評:食物&服務質素絕對唔係一等一,而標明用日本北海道3.6牛乳,於我而言無甚意義,因為都唔會食得出係唔係,話煮出黎既食物會滑d,好老實,逢係用牛奶煮既,d食物就係唔係用3.6都一定滑架啦!起碼我未食過有邊隻牛奶係嚡個囉!至於個裝修更加唔覺得有咩咁特別,唯一值得留意同欣賞既,就係可以見到一班歌手既親筆簽名相(有張國榮啊!)+(我相信應該係)陳奕迅送贈既大鏡!
4. 服務態度:好攪笑囉!個伙計問我餐飲飲乜,我問佢有乜好介紹,佢居然擰頭...我再問佢有乜出名野飲,佢又居然都係擰頭...又會咁奇怪既?!佢識講野個喎!唔知點解唔應我呢吓?!算!
好喇,至於話講到要同<澳牛>比既話,就唔太公平喇!因為<澳牛>係好--食--好--多--囉!!不論個多士定個煎蛋定杯飲品都係囉!!
至於講到服務態度咯喎!我諗都冇乜邊幾間會"火箭速度"得過<澳牛>架喇!
所以,若然硬要將兩間一齊比較既話...咁啦,如果閣下只求服務質素不求食物質素既話,就幫襯華星啦!
如果完全絕對唔介意那種幾近呼喝既"通粉定意粉/炒蛋定煎蛋呀"既話,就一定要幫襯澳牛喇!
张贴
