老街 (西洋菜南街) (已結業)

放工同左朋友去太子食飯，朋友想食台灣野就去左試呢間，叫左蕃茄排骨麵，朋友叫左牛肉麵，麵既份量好多，食唔晒，最驚喜係個蕃茄湯底，好濃蕃茄味但唔會酸，忍唔住飲飲下就飲晒，所以攪到麵反而食唔落，排骨炸得好脆，但有少少鹹，其實反而欣賞佢個蕃茄麵，朋友話牛肉都好”林”，湯底夠濃餐廳既環境乾淨，但坐得比較迫，今日著件厚褸都無位放，要迫住咁食，最慘係食食下個侍應姐姐仲要行過踢左我一腳，唔知佢講左句咩，好似係鬧左句，因為聽唔清我無應佢，但佢道歉都無句，態度真係麻麻😒