一木小料理 (已結業)

其實諗住食台灣麵，不過行過望落去又好似幾靚，就去試一次啦。入到去見人哋啲嘢都細細碟，都諗住要order好多碟先夠飽了。最後叫咗一支細sake，一個苦瓜炒蛋，一隻紙包雞，一個豬扒，兩個山根同埋一個鰻魚卷蛋。除左個苦瓜炒蛋比較好味之外，其他都好一般。紙包雞嘅雞肉係幾亂畫但味道有啲鹹，鰻魚蛋卷嘅蛋太熟啦，個豬扒真係幾肥同鞋。不過店員態度幾好，同埋鋪頭都雖然細細地但都坐得唔係太迫同幾骨子下。買單$600叫做OK咁啦。