九華徑自助燒烤場

本人好鐘意四圍去食新野.不過同fd一齊就唔好咁麻煩啦!
簡簡單單,方方便便就算比多少少都值得.....不過....d 個場就認真麻麻地....
首先由最好既講起..服務: 家庭式運作,個個都好有心工作,有咩出聲佢一定好好地做,不過有d 野佢唔比你做,例如一人一條靚仔鋼叉(高質素),唔比你 long 係個爐到燒.外來飲品佢都渣得幾緊.其他好多都隻眼開,隻眼眨.
環境: 十分方便,不過超細一個正式足球場一半都無,己經包士多,出入口收錢位,toilet,食物櫃等等,加上大3x 個爐 ,加椅枱.
可想而知,你可活動空間.只有個爐同張枱四邊小小既位置. 同隔離大約有2尺半距離.
感覺唔會好近,不過無空間可言,正常講野大約3.4 台人都會知你講咩.....
位置:山谷位,無風,同馬路一路之隔,無景.全場無風扇吹,雖然你個場係細,都唔好一d通風都唔搞呀~~~
人多加無通風=熱到high high 絕對唔係正常的熱....
火爐,設計差.太低膝頭低少少,要污低條腰去就個死人爐....... 同炭只有隻半雞中翼距離,無包邊只有四支角鐵,熱力四散,手腳無一幸免. 一係你有無限耐熱同臂力,一係你d食物變炭.
BBQ 主角~食物:款式少到僅僅合格,可以叫燒到下野食.... 3纇扒齊,味道一般有少少要求都好差過到骨,好彩有私家調味帶過去.肉質下品,牛,朱扒無鬆過,雞全翼,雞翼,燒完都係食返自己調既味.原味=無味,食完都唔知佢係黑招定泰辣.... 雖然色水上係有差別....
雞腎,新鮮,不過佢既切法,明顯地無研究過, 雞腎應該係薄片,佢地切得比雞扒厚,燒完都唔好食啦.....
無海鮮,無金沙骨,排骨,叉燒,無魚類,無茄子.無肥牛. 無芝士腸.無煙肉.
有雞腎扒翼,朱扒朱巠肉,牛扒,台灣腸,雞肉腸,紅腸,燒賣,扎肉條,面包,尖招.腐卷. 什菜包(少見),粟米粒包.番薯.
調味料有牛油可一讚.泰辣汁又係一讚. 蜜糖? 不是. 糖水也.
價錢: 星期6日.108 位只有一罐可樂,士多價錢合理.雖然係一個九龍市區附近,任燒無限時炭,但無食物質素可言,對一個想BBQ,想食自製美味既人,太太太太太太貴啦~~~~~無限時又點,無一件好食又點滿足呢....