Texas Burger (已結業)

今日去咗朗豪坊，見到有間漢堡包店，睇咗個餐單，雖然餐廳比較狹窄，但因為比個煙燻鴨肝牛肉漢堡（$148）吸引咗，決定一試。另外叫咗軟殼蟹牛油果牛肉漢堡（$108），再加水牛城炸雞翼及棒棒（$58）。兩個漢堡嘅牛肉肉質唔錯，唔會煎到乾身，牛味亦濃。不過煙燻鴨肝就食唔出煙燻味，鴨肝亦很薄，夾在牛肉裡根本食唔出有鴨肝，價錢過高。至於軟殼蟹牛油果牛肉漢堡，軟殼蟹亦很薄，好似營養不良的軟殼蟹，因為有軟殼，食時就感受到蟹嘅存在喇！雞翼一碟4隻，但雞鎚只得一得，配上沙律醬或水牛城辣醬，還可以！如果下次幫襯，我諗幫襯番店舖嘅招牌漢堡Texas Burger性價比會高啲，因為只需$88而已。