Mango Tree Café (已結業)

係太古城搵食，food court 翻新之後，開左呢間新嘢見價錢中等係sell 泰國fusion 菜都叫幾有新意，所以就入去試下泰式鹵水豬手$98 : 其實就2大片，不過幾淋，都幾肉骨分離，鹵水味個人覺得剛剛好，不過所謂嘅泰式就係酸泰式酸辣醬，我覺得唔點好過點😅 黃咖哩海鮮多士盒 $168: 咖哩味唔濃，自己覺得幾好，加左蛋花，令咖哩流質d~唔似平時咁稠。海鮮幾真材實料@@蝦好爽口，帶子大大粒。但黎到時，有d 唔知應該點食好，切開外層嘅多士，d 咖哩又會流晒出來，我無理由將咖哩當湯飲😂結果都係叫多碗靚仔黎襯托下，不過都唔錯椰香熱情果蛋糕 $38: 份量唔多，普通無特別，食唔到椰香味，反而有d 酸咪咪味道，可能之前食咖哩太濃味，質感係海綿蛋糕同芝士蛋糕之間，反而粒覆盆子唔錯！Topical Sangria $58 : 外貌幾討好，用牙籤串篤住粒荔枝，幾有東南亞情懷，細妹飲完話幾甜，但幾多果肉。整體來說，飲品偏貴，甜品普通，主菜份量正常，但都覺貴左d。餐廳明明有好多位，但總就編到d 客人坐得好近，傾計唔方便，試過叫人落單@@員工話搵同事幫手，但結果係不了了之。服務方面真係要做好d~