洪師父牛肉麵

营业中

休息中

好想食牛肉麵啊！同一大班朋友玩完傻完之後，大家都肚仔餓。有啲就話要返去交人，有啲就話約咗人，剩底嘅就留喺東涌呢度食埋先走。確實東涌真喺冇咩好食，由其呢排都黎過幾次，想食嘅都食得7788，咁岩有朋友話想食牛肉麵，啱晒。門口等位個陣，有廣告大大隻字宣傳牛肉面喺得獎的，搞到我地都好興奮好期待。不過間野價錢一點都唔平，冠軍麵成三百幾蚊架。我同同伴就冇叫到，反而叫埋買一送一優惠嘅半筋半肉麵，同埋咩麻麻雪花牛肉麵。麻麻雪花牛肉麵，講得冠冕堂皇，實質最尾喺一碗湯麵，配兩塊肥牛。確實都幾失望。不過買一送一，當佢樣樣減半咁睇，可能會開心點。反而半筋半肉麵份量就多丁點，有數舊筋肉可以食下。不過稱為得獎湯底，個人就覺得普普通通吧。我哋仲叫左古早味滷水豬耳朵，味道可以，喺辣左少少。炸物拼盤都叫還都可以啦，普普通通。總體講，期望好大，失望都大。▧ 紅燒半筋半肉麵▧ 麻麻雪花牛肉麵▧ 古早味滷水豬耳朵▧ 炸物拼盤