Tardemah (奧海城三期) (已結業)

呢間麵包都唔係第一次食，而家佢又開咗分店，即係代表佢哋超好生意，賺好多，可以擴充。不過究竟佢哋開分店係真憑實力的，定係只係因為廣告賣得多，所以多咗人去食，所以賺多咗呢？今次我又嚟咗新分店，買咗一個包，唔敢買太多，因為之前嘅都一般般，好普通，純粹係裏邊放多咗少少餡，其實自己當三文治咁樣加餡上去，自己喺度加啲忌廉芝士，都仲可以加得多過佢哋啦⋯⋯今次買咗個朱古力菠蘿方包， $7x，上方菠蘿皮，完全唔似菠蘿包嘅皮，亦都做唔到菠蘿包嘅口感同味道。至於朱古力方面，中間係有好多朱古力的，喜歡朱古力的朋友可以試吓，不過其實我求其買啲方包再加朱古力醬都做到呢個效果，唔使花咁多錢。