小雲川

見呢度都有唔少正面評論 所以就去左呢度食

環境/ 衛生:舖頭都幾乾淨 幾光猛 同埋我見有D大枱都放左D紙巾 提供俾客人
                但係就略為太多鏡係舖頭 好唔舒服

食物: 我叫左個 豬腩肉米線(店舖推介) 中辣 加底 加小雲卷 
        味道好普通 好似係清湯上加D辣椒油咁 冇咩層次得個辣字 (佢既中辣 相等於其他米線餐廳既小辣)
        加底後 份量都算幾足
        個小雲卷即係魚肉春卷 剪得幾香幾脆 但係佢俾得一條我  加個小雲卷要成$7
        $7先至得一條 我覺得好唔合理

整體我覺得普普通通 佢果度仲有肉燥飯 唔係淨係得米線
下次或者可以試下肉燥飯 但我以後都唔會再係果度食米線