囍記車仔麵

营业中

休息中

今日同男朋友行街，佢又話唔係好肚餓，所以就食車仔麵。結果就係廟街呢到是但揀左間黎食。間舖唔大唔細，但我地咁岩坐正入面啲啲既位置，附近仲有啲裝廚餘、未洗既碗碟既桶，呢點有啲扣分。如果搬番去最埋邊，甚至可以放埋入廚房，就比人感覺乾淨、衛生啲。我地都算係豪食車仔麵🤣。男朋友嗌左柱侯腩、蘿蔔、生菜、芝心丸米粉，我嗌左韮菜、雞翼、牛柏葉米線（我剔錯左呀！！！），再叫多杯豆漿同酥炸三寶丸。平心而論，其實佢地既車仔麵都真係好普通⋯😂值得讚賞既係，餸既份量唔會因為嗌得多餸而減少，雞翼係有三隻咁多，呢一點真係感動左兩秒😂！至於三寶丸$30就好似唔太抵食，味道ok既，幾香，但就真係唔抵食囉。另外男朋友話杯豆漿好好飲，雖然佢講唔出點解好飲，不過照佢意願幫佢比五星🤣。