品越越式料理 (雅蘭中心) (已結業)

旺角一向都係我開飯既主場，今日比我見到佢地裝修設計都幾有特色又幾靚，咁咪黎試試佢。馬拉盞炒芥蘭 - 芥蘭略硬，馬拉盞味不足，勉強合格。會安炸春卷 - 春卷包生菜係越南菜既指定動作。即炸即上菜，只要夠熱再點酸汁就可以好好食。咖喱牛腩 - 炆牛腩既時間唔多夠，牛腩咬唔開，咖喱味淡，配肉食都還可以，但唔可以用黎點麵包同薄餅。法式麵包印度薄餅 - 未算香脆，可能係發酵時間不足，或者係麵粉比例出問題，薄餅入間空氣唔夠，所以比較實。燒大蝦柚子沙律 - 全晚覺得最多食都係得依個，不過柚子仍算大舊，材料唔夠多元化，感覺唔夠豐富。