蘭芳園

今日同妹妹一起去body check，完事後去食過遲來的早晨，十一點去到蘭芳園竟然見全店滿座，都幾好生意，在場所見大部份是遊客，等左幾分鐘後就有位，剛好安排了卡位，幾好唔駛同人搭枱。店內多人但唔算嘈雜，研究左個餐牌一輪，見撰擇唔多而且價錢偏貴，最後點了兩款餐。

薯仔鮮茄湯火腿通粉+迷你奶油豬仔包+絲襪奶茶 ($39)
薯仔和蕃茄都好淋身，茄湯有點偏咸，食食下只想飲少點湯剩食通粉，通粉細細粒煮得剛好，配埋火腿栗米有口感無咁寡。

薯仔鮮茄湯火腿通粉

豬仔包話明迷你，比正常細少少，試下都ok，皮薄少少脆內軟身，味道正正常常。奶茶係幾滑偏多奶感，飲落唔覺有茶香，味道一般。

迷你奶油豬仔包

蔥油雞扒撈丁+凍西檸檬茶($58+$3)
麵唔多油，撈蔥油唔算太咸味道剛好，主角雞扒皮薄身，皮有煎過但無香口惹味和脆卜卜的口感有點可惜。雞肉無咩肉汁似烚完再煎，無咁油應該都係健康煮法掛。檸檬茶有四片檸檬味道正常。

蔥油雞扒撈丁