滿堂樂滬京風味 (已搬遷) 新店位置

鹹豆漿係香港唔常見，成日想搵黎食但都搵唔到間好食嘅，聽聞滿堂樂攞左米芝蓮，既然經過就入去試下吧。門口等外賣嘅人都幾多，但堂食就一個人都無😂咁自己入去坐低叫野食先。🧂鹹豆漿製作需時，落單到上枱都要十五分鐘左右，但黎到係微暖嘅，唔知係咪正常呢？鹹豆漿要室溫？料算係幾多，但唔鹹唔鮮無乜味，同記憶中嘅味道唔同…回憶總是美好的😩🍚粢飯由於多人外賣粢飯，見阿姐不停包，可以肯定係新鮮製。攞上手都幾大舊，熱辣辣，肉鬆正常，炸菜粒偏少，油炸鬼已淋，味道一般，而且呢個欖球形狀很奇怪😅一試無妨嘅，但係咪真係值米芝蓮😅要排隊等就免了。