我哋叫咗擔擔麵、小籠包、鍋貼同 京蔥牛柳絲撈麵。 侍應話因為太多人嗌煎嘅食物，所以鍋貼要等半個鐘，咁我哋就當最後先食啦，照等。
首先嚟嘅係京蔥牛柳絲撈麵， 48蚊一碟， 呢個我覺得麻麻地， 個麵嗰種調味畀我感覺好似食緊即食麵咁，味道濃得嚟又唔太好食……
之後到小籠包， 36蚊4件， 味道都ok， 皮薄又唔穿，小籠包裏面亦都有湯汁， 呢個收貨。
下一個到擔擔麵， 味道中規中矩， 38蚊 一 碗就收貨啦。
等咗好耐，鍋貼， 32蚊4件， 終於到啦! 咁期待，點知一食落去，個鍋貼入面都冇湯汁嘅， 覺得個餡比較乾身， 唔收貨啊!
整體嚟講仲需要好大嘅進步空間， 雖然餐廳環境裝修都企理，但係衛生就普通， 個地下黐立立， 即刻扣咗分。
食物衛生都一般， 我諗我哋未必會再嚟。
