陳師傅自製點心專門店

营业中

休息中

今日去咗呢一間點心專門店度試一試佢嘅手藝，去到嘅時候都已經需要排隊,我們都排了大約15分鐘到先可以入座。入座之後，店員就提議我哋飲佢哋自家製嘅菊花茶，咁我哋都有根據佢提議叫咗佢哋自家製的菊花茶。今次，我哋叫咗四個點心，脆皮銀絲腸粉、流沙奶黃煎堆仔、百花釀魚肚同豉椒蒸排骨。首先講吓個菊花茶，真係需要耐啲時間我先飲到紅棗菊花味，最開頭嘅時候根本同一般茶都冇乜分別。至於嗰個脆皮銀絲腸粉我就覺得太油。食完呢個脆皮銀絲腸粉之後就冇乜胃口想食其他嘢。流沙奶黃煎堆仔味道普普通通啦，講到我嘅至愛百花釀魚肚，見到嘅時候真係有啲失望過，個墨魚滑真的不多。我個人覺得如果10 分是滿分，我會比6 分。所有食品味道都係不過不失。