影片
更多
2017-06-30
2959 浏览
是日去到尖沙咀本來約左朋友食日本菜，訂左位置，最終話安排唔到，一肚氣之際行番過黎金巴利街食平價韓菜算。成條街都係韓國餐廳，每次經過幾乎間間都爆埸。印象中自己食過三間，全軍覆沒，一律難食到傻…大部分仲要用菲/印藉店員 (?)呢間係其中一間規模比較大，佔兩個大鋪，平時晚上都唔少人，今日就試埋呢間。店員安排我地坐低，原本見到門口位，我同朋友都唔想坐呢…可惜餐廳已經滿哂，加上我地太肚餓，只好焗坐。天氣好熱，我地近門口，一有客/店員行入黎，啲熱氣就攻入黎，食到我朋友成身汗。餐廳空間就唔多，位置都算密麻，枱面面積偏細，好多餐廳都有呢個問題…特別係2人枱，一人點一份主食，放埋小菜，張枱已經滿左…即係唔預人點其他小食 (?) 每張枱櫃筒裡面都放有餐具、餐紙、濕紙巾，夠方便，唔洗下下搵店員餐牌選擇多，基本嘅韓國料理都有，拌飯、炒豬肉、辣雞排、炸雞、炒年糕、蔘雞湯、部隊鍋、湯飯、麵、煎餅、沙律、鐵板類等，定價唔係話好貴，但喺呢條街黎講，唔係平價。小菜：共3款，佢地嘅泡菜寫住自家製，偏辣，不過我幾鐘意食辣嫩豆腐湯 $85：一般我食韓國菜如果想飽肚，都會點辣豆腐湯，呢道非常簡單容易做嘅料理，唔好以為間間都整得
成條街都係韓國餐廳，每次經過幾乎間間都爆埸。印象中自己食過三間，全軍覆沒，一律難食到傻…大部分仲要用菲/印藉店員 (?)
呢間係其中一間規模比較大，佔兩個大鋪，平時晚上都唔少人，今日就試埋呢間。
店員安排我地坐低，原本見到門口位，我同朋友都唔想坐呢…可惜餐廳已經滿哂，加上我地太肚餓，只好焗坐。
天氣好熱，我地近門口，一有客/店員行入黎，啲熱氣就攻入黎，食到我朋友成身汗。
餐廳空間就唔多，位置都算密麻，枱面面積偏細，好多餐廳都有呢個問題…特別係2人枱，一人點一份主食，放埋小菜，張枱已經滿左…
即係唔預人點其他小食 (?) 每張枱櫃筒裡面都放有餐具、餐紙、濕紙巾，夠方便，唔洗下下搵店員
餐牌選擇多，基本嘅韓國料理都有，拌飯、炒豬肉、辣雞排、炸雞、炒年糕、蔘雞湯、部隊鍋、湯飯、麵、煎餅、沙律、鐵板類等，定價唔係話好貴，但喺呢條街黎講，唔係平價。
小菜：共3款，佢地嘅泡菜寫住自家製，偏辣，不過我幾鐘意食
小菜
11 浏览
0 赞好
0 留言
辣嫩豆腐湯 $85：一般我食韓國菜如果想飽肚，都會點辣豆腐湯，呢道非常簡單容易做嘅料理，唔好以為間間都整得好食。
好多時遇到嘅問題係，唔夠辣；我想講我叫得辣豆腐湯，一定要夠辣，可惜好多時啲韓國餐廳，唔知係咪遷就港人口味，完全唔辣，唔食得辣嘅人會點其他野架啦，唔洗調整。加上辣豆腐湯擺明就係味精野，好似呢度咁，一督辣粉放喺面，啱哂我口味。
以鍋上，鍋夠熱辣辣，雖然話係豆腐湯，裡面都放有幾粒青口仔，都算係咁（畢竟比旁邊嘅餐廳俾多十幾蚊）
豆腐滑溜，湯夠辣，夠重口味，任務已經叫做完成。白飯夠碗，好似我咁大食嘅都夠飽。
當然啦，咁味精feel，食完口渴係常識。
17 浏览
0 赞好
0 留言
7 浏览
0 赞好
0 留言
朋友點嘅係set menu，包一份石鍋拌飯 ($85) 、泡菜煎餅 ($85)，咁啱想食呢兩樣野，所以先點，因為咁樣一set平少少($156)。
石鍋拌飯：拌飯都幾大碗，男士都食唔哂，朋友揀左泡菜辣炒豬肉，加上芽菜、蛋、翠玉瓜、冬菇、蘿蔔絲，賣相正常。
味道方面都中規中矩，泡菜帶少少香辣，豬肉比較肥韌，主要係飯多，食到尾冇汁冇盛都有少少乾。
值得一讚係佢地嘅石鍋好夠熱，keep住食都唔會變涼，而且飯做到少少焦嘅效果，合格。
32 浏览
0 赞好
0 留言
泡菜煎餅：朋友見有煎餅又話想食，不過到最尾先發現其實佢想食嘅係脆口嘅蔥餅 lol
泡菜煎餅可以分成4件，外邊煎到脆，裡面都係腍糍糍，始終粉多，好飽滯。
如果單點要80幾蚊，個人認為太貴。
9 浏览
0 赞好
0 留言
總括都係一間非常普通嘅韓國菜，埋單連加一 $287，好多連鎖韓國野都有呢個質素而價錢可能平啲。不過我想講，呢條街食第四間，已經算係味道最好，可想而知其他係幾難食。服務方面都係正常，坐低有杯茶飲下，見張枱唔夠大都唔會hang左機，起碼幫你執執位先，合格。
张贴
