老媽拌麵 (屯門市廣場1期) (已結業)

公眾假期下午放工想搵啲抵食嘅下午茶餐，結果大部份屯市餐廳公眾假期都冇下午茶餐的。最後見到老媽拌麵有下午茶餐，雖然見價錢都唔算好平，但未食過就諗住試吓。台式滷水雞中翼拌麵 $52 包隨機前菜和飲品一杯，飲品叫了柚子蜜綠茶滷水雞翼大大隻，肉質唔會鞋，亦都好入味。拌麵就有啲失望啦，間嘢叫得做老媽拌麵，諗住佢拌麵應該好出色，結果都係普普通通，完全唔特別。如果用正價80幾蚊去食，真係唔值。隨機前菜係豆腐，正常發揮。柚子蜜綠茶跟餐送嚟講都幾好飲，柚子蜜味道都濃。酥炸脆雞扒湯麵 $60包隨機前菜，飲品叫了美式咖啡炸雞扒同湯麵分開上，冇整淋雞扒。雞扒味道都ok, 唔會過鹹。湯麵又係普普通通，而且份量不多。總括嚟講，我覺得以下午茶嘅價錢可以一試，但如果正價價錢食的話，就完全唔值啦。而且係食過一次就夠，無興趣encore。