茶餐廳2.0 (已結業)

今晚鬱喺屋企屈到好悶，決定吸收一下新鮮嘅空氣😂。呢間茶餐廳個名好特別，叫做🌸茶餐廳2.0🌸。 佢分咗室外同室內嘅位置，如果天氣唔凍嘅話，我都想坐喺出面。室內位置非常光猛而且好有空間感，有別於一般嘅茶餐廳嘅感覺👍🏼。 望望個餐牌，其實價錢十分之實惠。我哋叫咗美國特選t骨扒，鮮鮑魚石鍋雞煲，紅酒燴牛尾配白飯同法式香煎羊架。全部都可以加錢配餐湯同嘢飲，仲有得配酥皮 湯添👏🏼。每樣餸嘅份量都非常之大，包你食到飽飽。我真係冇喺茶餐廳見過咁大塊t骨扒，而且佢同羊架都一樣 ， 廚師煮菜嘅時間拿捏得啱啱好， 生熟度剛好，軟身兼有肉汁😋。羊架唔算好騷，就算唔食羊嘅人都可以一試😝😝 鮑魚雞煲同牛尾上枱嘅時候都係熱辣辣，個煲啫啫聲。 鮑魚夠彈牙，雞肉嫩滑而且好入味😍 用嚟送飯一流!!!紅酒燴牛尾聽個名都覺得好高級😎 肉質軟淋非常juicy😋呢間嘢仲有個好處，就係選擇十分之多! 有機會要試埋個早餐同午餐先得。