Nardo's Cafe (已結業)

第一次嚟嘅時候喺朋友生日，知道呢個地方大，又可以包場，又可以包房，同班朋友一齊玩。餐廳入面有一間細嘅房仔，餐廳正中心部分，有個好大枱坐到15人以上，大枱外邊又坐到10~20人左右。 餐廳嘅角落有擺放咗幾張大梳化凳及枱。 枱唔同高低嘅擺設，增加左私隱度。今晚第二次黎，只係因為諗起佢地既挪威煙三文魚沙律。«挪威煙三文魚沙律» 三文魚大大塊， 合埋一齊似朵玫瑰花， 睇得又食得，打開睇睇其實係大概由六塊大大片嘅三文魚所組成，最吊鬼嘅係佢所有沙律醬都會緊緊依附著生菜上面，唔會好似水滴咁滴出嚟，食得好方便。«煙鴨胸野菜沙律配意大利黑醋»熱呼呼鴨胸放喺凍冰冰沙律上面，酸溜溜黑醋配沙律菜，味道略酸，如果有埋薯仔就正。«藍莓cheese cake»叫咗兩件cheesecake， cheese cake 都幾實心，standard。«花茶»店員送上枱嘅時候，佢建議可以浸多一陣先至再飲， 所有材料都切到細一細，味道好出，莓味重。