家賀屋刺身寿司專門店

今日同朋友嚟到灣仔食日本野。之前聽過人講話鰻魚飯好出色，所以第一時間叫了鰻魚丼($105)食，雖然份量不多但是鰻魚很有質素，鰻魚肉質肥美而且一啲骨都冇，可以好放心咁啖啖肉咁食，邊邊位燒得好好味，非常推介!!!同行朋友叫左特選海鮮丼($288)，海鮮刺身種類繁多賣相吸引，有鮑魚拖羅海膽活蝦三文魚子等等，見到就即刻食指大動。活蝦食落完全冇雪藏味，肉質實淨確保新鮮。鮑魚烹調出色有咬口但又不會太硬很容易咀嚼。拖羅三文魚肥美，整體來說成個海鮮丼令人感到非常滿意。另外仲叫咗吉列蠔($58)同青龍炸蝦卷($68)，吉列蠔唔會太乾身入口裏面仍然好creamy,青龍分量很大味道不過不失。飲品方面叫咗SUNTORY生啤($68)，一啲都唔苦好易入口，好啱女仔飲。