影片
更多
2018-11-28
2539 浏览
又到聖誕!! 又到聖誕!! 嗰間日本百貨公司一年一度又有購物大優惠, 我喺銅鑼灣諗住搶嗰個香水套裝給女友做禮物, 點知比啲同胞搶晒, 所以決定過海搵.今日我早左放工, 天都未黑我就已經去搭船, 為嘅就係去對面海嗰間日本百貨公司, 搶我最後一 set 香水套裝.好彩, 又比我搶到, 攰攰地我就行去後面街棉登徑睇下有啲乜嘢食, 燒肉? 西班牙菜? 細件? 酒吧?咦! 見到我熟悉嘅名字 - 石磚里餐廳 - BRICK LANE Gallery - 今次仲要係 Gallery 添. 估唔到尖沙咀呢一間本店比起金鐘嘅分店更加有特色, 除咗有一個大大嘅酒吧.仲有好舒適嘅沙發, 等我坐低叫啲嘢食醫下肚先。坐低悶悶地, 叫杯啤酒啤啤佢先, 呢度有四款手工啤酒, 比較吸引到我嘅係 麥啤 Cereusly IPA.啤酒花香氣撲鼻, 望落去雖然有啲混濁, 係味道略帶水果味, 仲有少少松樹香味同樹脂既苦澀, 可以話係好適合多愁善感嘅人飲. 咁啱七點半前仲有買一送一, 抵到笑！淨係飲啤酒, 就當然唔會係一個完滿嘅晚上啦, 所以我特別叫咗個 墨西哥玉米脆片去送酒. 脆片上面都有唔同嘅 dipper
嗰間日本百貨公司一年一度又有購物大優惠, 我喺銅鑼灣諗住搶嗰個香水套裝給女友做禮物, 點知比啲同胞搶晒, 所以決定過海搵.
今日我早左放工, 天都未黑我就已經去搭船, 為嘅就係去對面海嗰間日本百貨公司, 搶我最後一 set 香水套裝.
好彩, 又比我搶到, 攰攰地我就行去後面街棉登徑睇下有啲乜嘢食, 燒肉? 西班牙菜? 細件? 酒吧?
咦! 見到我熟悉嘅名字 - 石磚里餐廳 - BRICK LANE Gallery - 今次仲要係 Gallery 添.
估唔到尖沙咀呢一間本店比起金鐘嘅分店更加有特色,
除咗有一個大大嘅酒吧.
仲有好舒適嘅沙發,
等我坐低叫啲嘢食醫下肚先。
坐低悶悶地, 叫杯啤酒啤啤佢先, 呢度有四款手工啤酒, 比較吸引到我嘅係 麥啤 Cereusly IPA.
啤酒花香氣撲鼻, 望落去雖然有啲混濁,
係味道略帶水果味, 仲有少少松樹香味同樹脂既苦澀, 可以話係好適合多愁善感嘅人飲. 咁啱七點半前仲有買一送一, 抵到笑！
淨係飲啤酒, 就當然唔會係一個完滿嘅晚上啦, 所以我特別叫咗個 墨西哥玉米脆片去送酒. 脆片上面都有唔同嘅 dipper, 有 guacamole, tomato salsa, sour cream 等, 每一塊趣玉米片都唔會覺得乏味, 仲要加埋厚厚嘅芝士,
～ 好邪惡啊 ～～～
飲咗一杯啤酒, 唔好唔記得仲有買一送一, 所以唔好俾佢停, 主菜都係要叫啲可以送啤酒嘅主菜！經理話今日推介嘅 慢煮燒烤豬手 $248- 係本身個餐牌係冇嘅, 所以我就立即要咗個試一下佢有幾犀利.
佢一嚟到, 我真係俾佢嗰個 size 嚇親.
我諗嗰隻豬手有大約五六個拳頭咁大. 令我喺度諗, 我最喜歡嘅卡通人物 peppa pig
明明就好細隻, 點解佢嘅朋友有咁大隻豬手, 我真係百思不得其解.
唔緊要, 一切落去, 估唔到啲肉可以咁鬆軟, 佢出面渣咗針糖漿, 慢烤過之後令佢外層已經索晒佢啲蜜糖入去深層底部, 我每一啖除咗可以享受到美味嘅肉質之外, 仲有甜CC嘅蜜糖味, 直情幸福過幸福.
佢好有火腿嘅香味, 肉質仲要緊緊咁鎖住肉汁, 同我平時食開嘅炸豬手真係好唔同!!
基本上我飲咗兩杯啤酒同埋食咗個豬手已經飽到笑,
但係一場黎到, 好想試吓佢個即 焗酥皮蘋果 甜品. 佢話就話要焗20分鐘, 但係我諗大約10分鐘就已經搞掂,
淨係放喺我面前嗰陣, 我已經聞到好香嘅蘋果味, 當我急不及待咁樣連埋佢上面既薄脆送入口, 我已經唔記得咗自己有幾咁飽, 即刻將佢送入口.
吃罷此豐富晚餐, 即時悶氣全消, 今次回家近近地行去搭地鐵我打算聖誕帶女友來吃個聖誕也好.
张贴
