紅豆冰室

营业中

休息中

今日落來荃灣, 夜晚找地方醫肚同坐一回抖一抖, 望下餐牌都有幾多選擇, 我唔想食豬扒雞扒好多肉個d😅, 之後用QR code落單, 點左一個乾炒海鮮烏冬加凍檸🍋茶走甜少冰, 另外一個煙三文魚炒意粉, 也是加凍檸🍋茶走甜少冰, 店員好貼心, 我哋話要二個碗仔, 佢用熱水洗過先比我哋👍👍, 等左一陣二杯凍🍋檸茶先到, 可能係走左甜的關係, 又或者係本身茶底唔夠瓜, 飲唔到紅茶的香味, 再之後送上二碟主角, 二碟賣相都好靚仔😄, 份量都唔少, 先食乾炒海鮮烏冬, 雖然好深色, 但食落唔係咸, 而且食落好熱😀, 入面有d蝦🦐蟹柳🦀帶子仔同🦪青口仔, 有d洋蔥🧅芽菜, 食落幾好味😘比我預期中好,夠鑊氣😆, 再之後食白汁煙三文魚炒意粉🍝, 食落味道唔差, 有d白汁, 入面好多三角椒🫑, 食落都香, 煙三文魚都比得幾多😍, 雖然係煙, 但唔會食落好咸, 味道都唔差, 但二者相比, 我個人會喜歡烏冬多一点, 下次再來荃灣, 都可以試下二人套餐的小菜🤩