達人包車 (已結業)

夜晚吃過兩次，服務 質素都算可以。初次晏晝去吃，成間店得一位侍應，喺門口睇嗰時仲懷疑佢落場，行入去問先知喺營業中。雞排微辣，點埋啲芝士都啱啱好，同行人話唔吃辣但都可以接受到嘅程度，遺憾嘅喺略為有點鹹。脆皮炸雞，炸衣都幾脆，但一定要襯熱吃，因為吃到最後時脆衣已經軟哂，雞髀有小小汁，吃落可以，但雞胸就乾身同好柴。水冷麵就有啲失望，因為間店喺韓國人開，當然會對比香港人開嘅多咗啲期望。但嗰水冷麵啲水量只喺啱啱好浸過嗰麵，而且就算剪過麵，用筷子整散開，夾起時依然喺一嚿嚿。如果佢喺平壤嘅拌冷麵，咁少水我都會理解，但佢應該唔喺。 而且嗰湯汁...感覺就真喺水，唔似韓國嗰啲煮嘅湯頭咁鮮甜。真喺失望，唔應該抱咁早期望。成間店只有一位侍應，佢應該喺預備嘅夜場，所以好唔得閒咁走嚟走去。嗰雞排有gas爐邊煮邊吃，後期gas無氣，想叫佢換，枱上有個鐘仔，禁咗落去但嗰位侍應都睇唔到無理到。