招點薈 (已結業)

都好耐冇去食西餐，最近都係放工去附近嘅餐廳度食，今日接男朋友收工，經過見到呢間餐廳門口個位幾chill，吸引左去睇，所以最後決定同男朋友就呢間晚餐！餐廳門口有個bar枱位，一邊食一邊睇住出面嘅風景，感覺簡直冇得頂，但今日有啲大風，加上我怕凍，所以我哋都係要求坐返入面！餐廳入面裝修風格似西餐廳，擺放左好多酒嘅裝飾品！餐湯食西餐餐湯一定係先上，通常餐湯就決定咗我對呢一間餐廳嘅第一感覺，呢一隻忌廉湯果然冇令我失望，令我更期待之後嘅菜式！菠菜牛肝菌意大利飯我一向都麻麻地意大利飯，因為意大利飯嘅飯粒一向偏硬，但呢度竟然有驚喜，男朋友叫咗呢個飯，我竟然一個人食咗大半部份，估唔到菠菜同牛肝菌配上意大利飯係咁夾嘅，而且飯粒嘅軟硬程度適中，食下食下好快就食晒！意式香草汁煎新鮮三文魚三文魚嘅烹調技巧係好困難的，因為自己都有下廚嘅習慣，唔可以太熟，呢度嘅三文魚食落嘅第一個感覺就係師傅用高超嘅技巧將三文魚煎至剛好，而我最鍾意就係食三文魚上面嘅皮，脂肪比例簡直係完美，配上意大利香草汁，令到成個感覺如虎添翼！