帝寶星西餐廳 (已結業)

我平時lunch好鍾意去，Ｄ食物好天然，好清新。一晚經過，試吓佢地既set dinner for 2 person：頭盆係三文魚卷魚子醬，小小一點既魚子醬，也不要期望太大，魚都嫩滑，唔錯。我們皆叫菜湯，加上佢地既小麥牛角飽，係我既喜愛。個牛角飽用左牛油搓成，也可不用另加牛油。主菜是牛柳配鵝肝，鵝肝煎得啱啱好，脆卜卜又嫩滑，牛柳是我們要求的７成，也是嫩嫩滑滑，但不太有牛肉味。另叫左兩杯merlot送牛柳，價錢不貴。跟住係甜品，係杯裝既tiramisu，加上我地order既coffee (走糖)，好滿意！每人＄２５０埋單，有魚子醬（雖然唔算好多），鵝肝，牛柳, tiramisu 及merlot，我覺得好抵。另外，佢地有款甜品cappucino creme brulee，好好味架，但唔係成日有。