御名園 (已結業)

真係冇諗過天晉樓下竟然有咁抵食既中菜，原本仲諗住呢邊食嘢好貴，估唔到有驚喜呀😍😍😍前菜小食佢嘅小食用心炮製，香口嘅合桃、杏仁、蓮子、腰果配上海苔粉好好食，一粒接一粒食唔停口，比起其他中菜廳嘅淮鹽花生簡直有天淵之別養生黑蒜燉響螺響螺湯好飲就一早知，估唔到加左黑蒜一d蒜味都冇，好神奇，而且一小盅湯料仲多過湯，勁甜勁好飲，誠意推介👍🏻生炒臘味糯米飯熱辣辣嘅糯米飯勁多料，有臘腸、臘肉、蝦米、蔥花、花生、芫荽，煙韌嘅糯米粒粒分明，冬天必食之選金蒜銀絲蒸元貝元貝好大隻，粉絲吸晒蒜蓉同埋元貝嘅鮮味，唔會浪費咗元貝嘅汁上湯焗澳洲龍蝦伊麵澳洲龍蝦肉比較多，龍蝦好鮮甜，伊麵吸收晒龍蝦同芝士上湯嘅精華，強烈建議下次加伊麵底😆紅茄鮮竹浸菜苗用上湯加埋蕃茄、枝竹去浸菜苗，菜苗夠嫩，而且呢個配搭夠晒健康，下次喺屋企都可以試吓呢個配搭🥬五常米釀脆皮鳳全翼🍗呢個簡直係手工菜，將雞全翼起骨，釀入五常米，再拎去炸，食起上嚟好方便，啖啖肉啖啖飯，配埋個泰式辣醬簡直無敵潤燒石岐乳鴿🍖通常去食中菜都會點石岐乳鴿，因為自己屋企整唔到，而且剛剛炸起脆卜卜又好食，用嚟配啤酒一流雪燕焦糖燉蛋🍮冇諗過中餐廳竟然有焦糖燉蛋，今次仲配埋雪燕