雲吞仔 (已結業)

打完email行返出嚟，諗住買個餸返去加餸行過見到這間雲吞仔外賣有九折，覺得可以試下，就買咗一個淨牛筋腩返屋企買到返屋企打開好驚喜，因為份量有好多倒落碟叮返熱…仲多… 直情係覺得有可能一餐食唔曬可以睇到成碟都係牛肉一條好完整，食落有驚喜完全唔韌，而且冇一啲咬唔到既位， 淋到直情用筷子都可以整開鬆軟唔黐牙， 而且又濃濃嘅牛肉味， 汁底濃味，我直情倒埋落去生菜上面，腩汁生菜正另外牛筋份量都好多，原本見到咁大條仲驚佢係硬，點知又係能用筷子都可以分開，淋得嚟又唔會散開今次食牛筋腩覺得真係好爽皮，一次過大滿足，食過呢啲大大條嘅牛腩真係唔想再返去食嗰啲細細嚿嘅牛腩家人都非常滿意，下次再買返去加餸