麻辣風雲 (已結業)

同死黨自疫情後就好少見面，難得就到個大家都得閒見面既時候就見見面，來個小聚！死黨很貼心地預早訂定位，一到可以入座之餘仲想好要叫咩野食👍🏻佢先叫一碟酸辣土豆絲，好少見咁大碟既土豆絲，味道又香又麻又辣又酸！粗幼度控制得啱啱好，入口具爽口感，酸脆好味，好易就食到見碟底。叫了一個毛血旺，毛血旺係川菜好特色既名菜，有多種配料，好似一個人既火鍋，平日好少有機會食到，所以朋友一早就諗好要食。係度食既毛血旺都幾多料，有鴨血、墨丸、獅子狗、牛柏葉、鮮枝竹、豬肚同午餐肉。鴨血係主料，食落夠哂麻辣，口感好嫩同鮮。一路食一路覺得好開胃，麻辣鮮香😋 ，層次絕唔單一。