蓮花新派健康料理 (已搬遷) 新店位置

經常食肉類食物，食得多都厭。今晚想清清地，食吓素，諗去邊度食諗到頭都爆，於是上openrice searched 素食餐廳，之前有個朋友亦提過元朗有間素食餐廳好味道，就嚟到呢間。—入到去，老闆娘好有禮貌地安排座位我同女朋友，見到餐牌上有五款晚餐包湯，但最後我哋叫咗小菜。（—）蜜桃咕嚕肉-有青椒、黄椒、蜜桃、咕嚕肉中間包住—條薺，用咗酸甜汁去炒，基本上，與—般咕嚕肉無異，顏色能滿足眼球，而且比想像更好味，廚房師傅即炒上碟，讚。（二）羅漢上素-用草菇，雞脾菇，芽菜，木耳，粉絲，粟米芯去炒，食出煱氣，加兩小棵西蘭花伴碟，成碟清晒，咁出色嘅素食小店實在難得。