影片
更多
2018-03-25
512 浏览
今晚和屋企人一齊去食晚飯， 乖女知道我鍾意食魚， 特別 選擇咗出名食海鮮嘅河鮮嘅順德菜式。呢間《鳳城皇宴》位於屯門海珠路海典軒入面， 鄰近屯門泳池， 搭輕鐵嘅話搭到豐景園站就到。第一道菜式係【煎釀鯪魚】， 呢一道可謂功夫菜式， 由於鯪魚本身多骨，大廚先將鯪魚去骨，再刮出魚肉做成鯪魚球， 之後再釀回魚身， 變身為一條完整嘅魚，慢慢煎香。細嚼之下， 可以品嚐到果皮嘅香氣。 而且鯪魚肉夠曬彈牙爽口。 芡汁嘅味道亦唔會太濃，唔會遮蓋魚本身嘅鮮味。另一道菜式【順德魚腐浸雙翠】， 魚腐亦同樣係順德出名嘅食品， 由於口感嫩滑，因而得名。 魚腐營養價值豐富， 而且老少咸宜，無論老人家定小朋友都必定喜愛。魚腐吸收咗奶白色嘅魚湯精華， 非常入味。雙蔬入面有白菜仔同埋勝瓜，清清地， 夠曬健康。另外仲叫咗【上湯焗美國龍蝦伊麵底】，美國龍蝦168元一隻，size合理， 三個人食咁咁好。龍蝦夠新鮮，肉質爽口彈牙， 而上湯亦都吸收了龍蝦嘅精華，味道夠鮮夠甜。整體嚟講， 呢間酒樓晚市食小菜非常經濟實惠， 而且最近仲推出咗【片皮鴨鱘龍全包宴】， 一圍全包價$2380， 又有片皮鴨食， 又有平時一定食唔到嘅鱘龍魚， 可謂
呢間《鳳城皇宴》位於屯門海珠路海典軒入面， 鄰近屯門泳池， 搭輕鐵嘅話搭到豐景園站就到。
第一道菜式係【煎釀鯪魚】， 呢一道可謂功夫菜式， 由於鯪魚本身多骨，大廚先將鯪魚去骨，再刮出魚肉做成鯪魚球， 之後再釀回魚身， 變身為一條完整嘅魚，慢慢煎香。細嚼之下， 可以品嚐到果皮嘅香氣。 而且鯪魚肉夠曬彈牙爽口。 芡汁嘅味道亦唔會太濃，唔會遮蓋魚本身嘅鮮味。
13 浏览
0 赞好
0 留言
11 浏览
0 赞好
0 留言
另一道菜式【順德魚腐浸雙翠】， 魚腐亦同樣係順德出名嘅食品， 由於口感嫩滑，因而得名。 魚腐營養價值豐富， 而且老少咸宜，無論老人家定小朋友都必定喜愛。魚腐吸收咗奶白色嘅魚湯精華， 非常入味。雙蔬入面有白菜仔同埋勝瓜，清清地， 夠曬健康。
29 浏览
0 赞好
0 留言
47 浏览
0 赞好
0 留言
另外仲叫咗【上湯焗美國龍蝦伊麵底】，美國龍蝦168元一隻，size合理， 三個人食咁咁好。龍蝦夠新鮮，肉質爽口彈牙， 而上湯亦都吸收了龍蝦嘅精華，味道夠鮮夠甜。
23 浏览
0 赞好
0 留言
整體嚟講， 呢間酒樓晚市食小菜非常經濟實惠， 而且最近仲推出咗【片皮鴨鱘龍全包宴】， 一圍全包價$2380， 又有片皮鴨食， 又有平時一定食唔到嘅鱘龍魚， 可謂超級抵食， 下次實行約埋一班朋友一齊開餐。
26 浏览
0 赞好
0 留言
呢間酒樓嘅服務都算唔錯， 非常適合一家人唔煮飯黎食晚飯， 大時大節時必定客滿，住屯門朋友不妨黎試下。
张贴
