叉燒大王

营业中

休息中

今日係假期兩條友已經係屋企hea足全日，突然老公叫我唔好煮飯出街食拍吓拖喎咪出去行行，知佢平日鍾意食中菜咪去就吓佢，咪搵間有冷氣又坐得舒服嘅中菜館，去到叉燒大王見好多人等位應該味道唔差嘅，咪先攞張飛等位，我哋大約等咗半個鍾左右就可以入坐，好彩餐廳內冷氣都夠涼。個餐牌內面都有好多小菜揀，但兩個人又可以食得幾多，不過老公話人哋叫叉燒大王點都要叫份嚟試，所以就叫份例牌嘅叉燒，嚟到果然名不虛傳賣相都吸引味道都ok肉質夠鬆軟，仲有少少燶邊西蘭花炒帶子味道ok，個帶子仲係大大粒應該係日本M size嘅冰鮮帶子，再叫多個金腿鮮淮生蒸魚雲，個魚雲無腥味蒸得剛剛好，我第一次食蒸嘅淮生估唔到咁好食，首先蒸已經唔熱氣，配有蒸魚豉油個淮山食落去仲係爽口