醉瓊樓 (已結業)

星期日屋企冇人煮，去咗杏花邨商場果間醉瓊樓食晚飯，一行三人，點咗一個$290套餐，有一個老火例湯，半只鹽焗雞，另任點兩個$62嘅小菜，若超過$62就要補多$10至$20一個！我地點咗魚香茄子煲同埋蝦干雜菜煲！例湯好夠火候，是曰薯仔紅蘿白番茄排骨湯，湯味濃郁，份量好多，每人有兩三碗！半只鹽焗鷄好夠味，鷄肉嫩滑！醮D𦍑蔥油一齊十分好味道！魚香茄子煲就好多油，加咗D草菇秀珍菇入去煑，唔多配合！蝦干雜菜煲味道較淡，賣相亦不吸引！叫咗一個白飯，埋單$309不須加一，整體而言尚算扺食！