Doux (已結業)

Doux我地去個日係星期日晚上2030到，人唔多， 反而覺得餐廳清靜， 裝修都好靚，幾好係一個傾計飲嘢嘅好地方!咁ok坐低咗我哋兩個人坐玻璃靠窗位置，冇乜人又闊落，坐得ok。夜晚望出去望到嘅景色唔算太多，不過感覺良好。虎蝦香味好濃郁，夠晒大隻，要用刀叉去切開，其實廚師已經好細心將蝦殼切開左，所以唔洗怕要落手會有失儀容。虎蝦啖啖肉，非常彈牙爽口，配上個香矛酸辣醬汁，風味十足。呢個好長既腸味道濃郁，分量十足，作為送酒小食一流。本身好少飲啤酒，不過有桃味啤酒，甜甜地，岩晒女仔飲，感覺似果汁汽水咁，唔錯。Ruby Peach 呢個甜品外形就似一個大蜜桃，就連伴碟既食用裝飾都好靚；切開蜜桃後會有大量蜜桃醬流出，內裡係酸酸甜甜既蜜桃味慕斯，極為吸引，味道好似食緊桃一樣，好香桃味，MOUSESS 柔軟糼滑，食完之後成個人心情勁好。實物同圖一樣，朱古力波好大粒 DARK CHOCOLATE真係好味，唔甜，雪芭係自家製佛手甘，清甜帶微酸，小小甘甜 同朱古力絕配,食完想再食，朱古力波內滿滿MOUSESS 好滿足。