龍悅 (已結業)

前幾日收工屋企人話唔想煮，咁就去左呢間酒家食晚飯。晚飯三寶有龍躉又有雞，一於叫呢個！豉油雞，唔油膩，雞皮的皮下脂肪唔多，雞肉唔鞋口，仲好入味添。到龍躉啦！呢味係翡翠炒龍躉球，um...其實就係炒龍躉片合理d，翠玉瓜炒得爽口配埋d三色椒，龍躉肉好鮮，好滑，一片片，唔會一夾起就爛。調味剛剛好，不咸！以下呢味我無食到，我見賣相不錯，屋企人都話好好味。