鳥棲日本料理 (已結業)

今日同屋企人去到觀塘食晚飯，知道呢間日本餐廳晚市全單做75折，網上食評亦寫佢幾好，於是我哋去試下咁抵食好食。網上面好多人介紹呢個，壽喜燒牛鍋，貪佢價錢公道份量亦唔少，所以我哋都叫咗試， 發現性價比好高，牛肉新鮮不講，絕對唔係普通肥牛質素，而中層係金菇冬菇之類，底層係菜同粉絲，食起上嚟真係要兩個人以上先到，真係要試下。值得推介！！北海道陶板腸-- 呢個亦係介紹之選， 雖然價錢有少少貴， 但當你食完之後，你會覺得成晚最值得畀錢就係佢，因為從開頭直到到最後，你都係覺得佢都咁好食咁新鮮，食法係唔需要用肉汁配搭，直接鐵板上，相當juicy 。安格斯牛排--- 食落你就知道佢真係用安格斯牛扒，而唔係用其他牛扒去代替，如果重質素嚟講佢ok嘅，但係賣上有少少唔吸引，如果佢下次可以改用鐵板送上，效果會更好。