PizzaExpress (青衣城2)

营业中

休息中

睇完戲係附近覓食，見餐廳的晚市套餐有齊沙律、頭盤、主菜及兩杯飲品，都係$200之內，都算抵食。主廚精選沙律夠大份，材料很多很豐富，有雞肉同豬肉，不乾且嫩腍，用四款芝士，所以味道濃郁又滋味，加上凱撒沙律醬更開胃，還有雞蛋、蕃茄等，每樣都健康又平均，整個沙律都清爽而不膩。意式焗肉丸有五大粒，以牛肉製成，用新鮮蕃茄煮製，醬汁有粒粒蕃茄，微辣令牛肉味更惹味，質感似ikea肉丸，但當然較大粒，配麵包球食都不錯，麵包球有點似法包，外微硬內裡鬆軟微暖。四式芝士薄餅，用薄批但又不夠香脆，可能中間放滿芝士，只有邊位微脆，加上只有芝士材料，較單調。用四款芝士，其中藍芝士味道不太重，但也食出獨有味道，雖沒有拉絲效果，但有芝士咸香味道，的確較適合外國人口味。