蓉玥係區內人氣極高的川粵小館。平日午市或下午茶經濟實惠，晚市菜式就更見創意與精緻。今次特地晚市時段來試幾款只在晚餐供應的特色小菜，果然驚喜多多。
🏅姬松茸燉螺頭老雞茶壺湯（$68）
用茶壺上湯別具心思，湯底清潤鮮甜，帶淡淡姬松茸香氣，飲完暖胃又舒服。
🏅燒椒皮蛋豆腐凍（$52）
皮蛋凍和豆腐凍切成小方粒砌成積木造型，賣相搶眼。燒椒微辣帶香，配上滑滑的皮蛋豆腐凍，口感清爽有層次。
🏅伊比利火腿酸菜冬瓜（$98）
酸菜微酸不嗆，冬瓜吸收湯汁後軟綿入味，伊比利火腿鹹香突出，整道菜中西融合得宜。
🏅燈影蓮藕（$58）
薄切蜜煎蓮藕片，外層微脆，帶甜中又有微辣，口感輕盈，好吃又唔膩。
🏅紅蔥油雞（$78）
雞件嫩滑，紅蔥油香氣撲鼻，簡單調味已經好夠味，雞皮爽彈，冷盤來食特別開胃。
🏅豬潤浸時蔬（$90）
餐廳招牌之一，豬潤處理得非常好，完全無腥味，口感嫩滑，配上清甜時蔬，非常出色。
🏅黃金四季豆（$108）
蛋黃醬炒得夠乾身，完全唔膩，四季豆保持鮮嫩多汁，鹹香惹味，係一道食唔停口的菜式。
1
2
