前門飯莊 (已結業)

今晚坐地鐵返屋企，決定係青衣城食完晚飯先返屋企，見到好耐冇去前門飯莊，決定兩個人去撐枱腳。因為好耐冇食豆沙鍋餅同小籠包，所以叫咗個精選二人套餐。首先已經冇咩客，都會落漏單，等咗20分鐘追佢先再幫我落返單😡😡😡，前菜手撕雞粉皮同五香烤魚都正正常常，跟住個青椒毛豆肉絲同三絲花膠羹就出事，肉絲同羮裏面啲瘦肉絲都好似乾柴咁同無味，個花膠羹好似飲緊生粉水咁，個咕嚕雞球同小籠包都尚算OK，最出事就係個豆沙鍋餅，個皮仲硬過我條命。無下次！