海港火鍋

营业中

休息中

老豆生日，諗住天氣呢排咁凍，上網搵下有邊啲特色火鍋可以滾下，跟住係fb 搵到間幾特別既大閘蟹任食放題! 咁老豆又唔鐘意去啲連鎖火鍋店，就拍板揀左呢間膽粗粗試下﹗落到去門口，個場都幾滿座，但老闆都好熱情咁招呼我地，同埋向我地介紹左有雞煲或酸菜魚火鍋煲底揀，咁我地揀左雞煲啦﹗個雞煲好快黎到，都幾足料! 啲味道夠晒入味! 跟手老闆仲向我地推介佢地既大閘蟹叫我地試下!! 啲蟹完全唔可以講笑，好肥美!!老豆都食到咀妙妙咁。舖頭裡面仲有三十幾款火鍋配料，有各類肉丸，時菜咁，啲味道都唔太差!等下次機會，同朋友過黎再試下個酸菜魚先!唯一不足可能係個茶餐廳裝修一般，但勝在夠香港人情味!