禮 (已結業)

見到食評既相都幾吸引，但去到發現晚市只做串燒…而且選擇不是很多，價錢都唔算平，環境就還好既，訂左檯有卡位坐，員工服務都幾好。最後叫了燒魷魚、三文魚刺身、煎餃子、蟹玉子燒、牛烏冬、雞肉don和燒飯團。首先燒飯團真係麻麻地…無咩味紫菜又淋，唔值得叫。兩個主食，烏冬同飯就同預期一樣普普通通啦，都係為左食飽個肚，所以都無咩大期望。三文魚刺身都幾大切既，算新鮮，至於燒味，燒魷魚幾大份，食落都幾香口係唔錯既，又唔會燒到濃左。煎餃子就不過不失啦…無咩特色，但蟹玉子燒真係有驚喜既，蟹膏濃郁，一食必曬出黎，值得試。但整體發揮普通，又唔算抵食，試過一次就可以了。