悅滿樓 (已結業)

朋友約在杜老誌食飯，老媽立刻問是否唐人佳，看來樓下的唐人佳知名度大得多。朋友選這裏並非味道好或抵食，主要是貪佢晚市夠冷清，可以任坐唔嬲！七時半全廳都只得兩枱人，朋友知慳識儉，點了兩種特價菜，一欵是九十幾元白灼蝦加蒸斑仔，另一欵是五十幾元焗雙蟹。意料中事，所有都非常袖珍，不過味道也還可以，尤其是條斑仔，的確唔錯。此外還點了白菜仔灼豬潤，豬潤非常嫩滑；琵琶豆腐，普通啦，還有杬菜四季豆，不夠香。連貼士五百元，坐足三粒鐘，侍應亞叔频添茶，冇黑面，算係咁啦。最旺時都只是坐滿三分一，想坐幾耐都得，完全冇壓力，確是食飯傾偈的好地方。