影片
更多
2011-07-13
14 浏览
一班舊同學聚舊, 約好放工過來「日泰朗」食放题, 上到去已經人山人海所以訂左位都要等三個字左右。 呢間放题既環境麻麻, 裝修上似茶餐廳feel居多, 感覺好嘈吵, 加上我地被安排去坐長方型枱(圓型枱只得兩張已full), 傾計直情要嗌破喉嚨先得!!! 枱與枱之間相隔又近, 危險非常, 就咁出事嘞~事源其中几位朋友仔坐正「昭君出賽」位, 剛好被過路侍應生既手捧食物淋個正著:-O此時此刻, 狼狽萬分, 咩mood都無哂~_~部長即時前來say sorry並承諾今餐會打折及日後惠顧均有discount。話雖如此, 恐怖陰影仍揮之不去…講番我地8點几入座, 拿拿聲點嘢食嘢飲, 見呢度有好多款式就樣樣點d。可是等呀等, 9點左右先有几杯嘢飲同一個火煱上枱。每人只分得1棵菜或一粒丸或一片牛肉醫肚。我地唯有傾下計先啦, 點知等左差唔多成個鐘都無嘢食送來, 餓鬼死我地啦!!! 好彩投訴得直, 個部長肯補番鐘俾我地, 兼即時上左一碟甜品, 但d cakes就硬硬地超難食囉-_- 過左一陣, 終於等到我地既飛佛~靚靚刺身一盤, 賣相唔錯, 三文魚及甜蝦鮮甜味佳, 鮑片及螺仔口感爽脆。食物逐碟上來了~計有熱
講番我地8點几入座, 拿拿聲點嘢食嘢飲, 見呢度有好多款式就樣樣點d。可是等呀等, 9點左右先有几杯嘢飲同一個火煱上枱。每人只分得1棵菜或一粒丸或一片牛肉醫肚。我地唯有傾下計先啦, 點知等左差唔多成個鐘都無嘢食送來, 餓鬼死我地啦!!! 好彩投訴得直, 個部長肯補番鐘俾我地, 兼即時上左一碟甜品, 但d cakes就硬硬地超難食囉-_-
過左一陣, 終於等到我地既飛佛~靚靚刺身一盤, 賣相唔錯, 三文魚及甜蝦鮮甜味佳, 鮑片及螺仔口感爽脆。
食物逐碟上來了~計有熱辣辣既軟殻蟹手卷好香脆。
鰻魚壽司無骨肉軟。
沙嗲串燒豬、牛、雞, 加左少許辣既沙嗲醬, 濃而惹味。
黃金豆腐, 外酥內嫩, 令人念念不忘。 炸魚餅香脆而不油膩, 又無腥味, 確係唔錯。
香炸芝麻骨, 肉質結實。炸雞翼及炒蜆味道一般。
香葉包雞,肉質滑溜,水準正常。
炸雞軟骨細細粒易入口, 可惜咬落硬左d。火炙三文魚腩壽司份量十足。一口牛入口軟腍。飛天通菜炒得好夠鑊氣。老實講, 呢間放題d嘢食整體上算唔錯, 服務唔太差, 有求必應, 只是上菜龜速兼漏單, 差d以為自己食緊宵夜放題呢!!!
张贴
