四季‧悅 日本餐廳 (遠東金融中心)

营业中

休息中

朋友生日諗住晏晝帶佢去金鐘食日本嘢， 咁諗起金鐘個間「碗屋」，夜晚個放題好好味，咁梗係帶佢去試下， 不過自己太懶嘅關係，冇問到佢晏晝有冇放題，咁結果當然係冇啦，最後去咗食定食。 佢而家做緊放題四百蚊唔使，不過只係得星期六日晚先有，大家唔好摸錯門釘啦。可能因為喺openrice嗰度定咗座， 所以我哋坐咗喺右手邊比較靜嘅區域， 環境都好， 叫做有個比較舒服嘅環境去食日本嘢。 價錢佢所前既地區成正比，所以價錢唔算特別平。我哋叫咗兩個午市定食， 我就試佢嘅魚生飯， 我朋友就食佢嗰個蟹肉丼， 兩個人加埋唔使600蚊，又有前菜同蒸蛋，我覺得收貨，同埋都食得夠飽。不過下次我都係會識佢嘅晚餐放題， 聽講好似有馬刀貝。作為「馬刀貝控」，真係坊間唔係好多日本餐廳有。