影片
更多
2022-01-07
59 浏览
夜晚再嚟冇堂食真係人都癲呀！不過既然冇得改變事實咁就唯有晏仔食好啲啦，呢日就同老婆去食佢鍾意嘅台灣嘢，就我返工所以揀咗去銅鑼灣喱間段純貞牛肉麵開午餐。大家都知我係個奶茶粉絲所以台式奶茶我都唔會放過，今次揀咗飲喱杯台式薑母奶茶薑味幾濃但係唔會有辣嘅感覺，加埋滑溜嘅奶茶底味道都唔錯㗎。除叫咗兩碗麵之外想豐富啲整多份酥炸排骨嘆吓先！喱個酥炸排骨唔會好油膩薄薄地食落去好脆口，最鍾意佢配埋啲酸菜夠晒醒胃。唔使諗我就梗係食牛肉麵啦！見到啱啱新推出喱碗犇牛四寶麵啱晒我呢個牛魔王，入面有牛肚、牛筋、牛五花肉同埋牛肌腱四樣餸睇落去好鬼吸引，先飲啖個牛肉湯好香好甜證明好足料去淆，所以大家記住唔好放過個湯要飲佢埋啊。牛五花肉比肥牛仲要好食勁嫩滑牛肉味又夠濃，啲口感好似食緊肉眼扒一樣咁淋咁正。牛筋炆到好鬼入味仲要軟軟淋淋好粘口但唔黐牙正呀喂！不過最正都係喱一件牛肌腱，咬落去肉質鬆化又炆到入晒味，另外冇影到嘅牛肚邵一樣咁鬼正，喱一碗牛肉麵值得科水去食。我鍾意食幼麵所以揀咗喱度嘅細麵，喱個麵吸湯能力一流索晒啲牛肉濃湯味道超正斗。老婆大人唔食得牛肉唔緊要，因為喱道有佢最鍾意嘅燉濃湯雞麵，濃郁嘅雞湯入邊有一大隻雞髀，
大家都知我係個奶茶粉絲所以台式奶茶我都唔會放過，今次揀咗飲喱杯台式薑母奶茶薑味幾濃但係唔會有辣嘅感覺，加埋滑溜嘅奶茶底味道都唔錯㗎。
除叫咗兩碗麵之外想豐富啲整多份酥炸排骨嘆吓先！喱個酥炸排骨唔會好油膩薄薄地食落去好脆口，最鍾意佢配埋啲酸菜夠晒醒胃。
唔使諗我就梗係食牛肉麵啦！見到啱啱新推出喱碗犇牛四寶麵啱晒我呢個牛魔王，入面有牛肚、牛筋、牛五花肉同埋牛肌腱四樣餸睇落去好鬼吸引，先飲啖個牛肉湯好香好甜證明好足料去淆，所以大家記住唔好放過個湯要飲佢埋啊。
牛五花肉比肥牛仲要好食勁嫩滑牛肉味又夠濃，啲口感好似食緊肉眼扒一樣咁淋咁正。
牛筋炆到好鬼入味仲要軟軟淋淋好粘口但唔黐牙正呀喂！
不過最正都係喱一件牛肌腱，咬落去肉質鬆化又炆到入晒味，另外冇影到嘅牛肚邵一樣咁鬼正，喱一碗牛肉麵值得科水去食。
我鍾意食幼麵所以揀咗喱度嘅細麵，喱個麵吸湯能力一流索晒啲牛肉濃湯味道超正斗。
老婆大人唔食得牛肉唔緊要，因為喱道有佢最鍾意嘅燉濃湯雞麵，濃郁嘅雞湯入邊有一大隻雞髀，已經開咗半嘅雞髀食落好鬼嫩滑仲勁有雞味添，拍得住我老婆大人整嘅雞湯麵呀。
老婆大人牙力夠鍾意食啲有咬口嘅嘢，所以佢就揀咗粗碌嘅手工麵，喱個手工面咬口係好不過會好飽肚，如果細食嘅朋友我唔建議揀呢個食細麵啦。
段純貞牛肉麵
地址：銅鑼灣謝斐道535號Tower 535地庫B01號舖
電話號碼：2117424
张贴
