影片
更多
2009-08-28
14 浏览
同男友講左要去呢間古色古香既茶樓飲茶都飲左幾次, 但一直就唔到時間, 今日我要返去鑼急救證書, 於是決定鑼完來呢度飲茶.來到應該差唔多十二點, 樓上巳坐滿晒人, 好不熱鬧, 來到呢度, 太多人難搵位, 人少就要預左搭枱, 有位侍應叔叔一見我地就即刻搵左二個位俾我, 真係多謝晒叫左壹茶, 今次無要茶杯, 男友即時鑼左點心紙出去, 返來時枱面多左籠蝦蛟, 叉燒腸粉, 蝦蛟皮厚左少少, 但腸粉唔滑而且皮真係厚得好誇張,入面既叉燒唔係平時係茶樓食的, 總之唔好食.其實未來之前巳做好功課, 知道九點前才有大包, 中午有麻蓉包, 所以預計今天終於食到麻蓉包, 點知問師傳說巳售罄, 唉, 難道我同它們無緣? 等左好耐都唔見想食的魚翅餃出籠, 好彩後來食到的叉燒包水準唔錯, 好味男友想試的馬拉糕及蓮蓉包都一直不見踪影, 後來我直情守在廚房門口等點心出, 咁啱有馬拉糕剛剛蒸好, 我即時在身邊的推車子上拿隻碟遞俾廚房師傳, 師傳選左邊位中間果舊俾我, 笑住說: 見你咁醒, 俾舊最靚既你啦! 其實馬拉糕無咩蔗香同埋都幾乾身, 祇屬一般. 見有叉燒包出, 男友即時起身拿左碟, 餡料夠多味道好好, 包身夠軟身,
來到應該差唔多十二點, 樓上巳坐滿晒人, 好不熱鬧, 來到呢度, 太多人難搵位, 人少就要預左搭枱, 有位侍應叔叔一見我地就即刻搵左二個位俾我, 真係多謝晒
叫左壹茶, 今次無要茶杯, 男友即時鑼左點心紙出去, 返來時枱面多左籠蝦蛟, 叉燒腸粉, 蝦蛟皮厚左少少, 但腸粉唔滑而且皮真係厚得好誇張,入面既叉燒唔係平時係茶樓食的, 總之唔好食.
其實未來之前巳做好功課, 知道九點前才有大包, 中午有麻蓉包, 所以預計今天終於食到麻蓉包, 點知問師傳說巳售罄, 唉, 難道我同它們無緣? 等左好耐都唔見想食的魚翅餃出籠, 好彩後來食到的叉燒包水準唔錯, 好味男友想試的馬拉糕及蓮蓉包都一直不見踪影, 後來我直情守在廚房門口等點心出, 咁啱有馬拉糕剛剛蒸好, 我即時在身邊的推車子上拿隻碟遞俾廚房師傳, 師傳選左邊位中間果舊俾我, 笑住說: 見你咁醒, 俾舊最靚既你啦! 其實馬拉糕無咩蔗香同埋都幾乾身, 祇屬一般. 見有叉燒包出, 男友即時起身拿左碟, 餡料夠多味道好好, 包身夠軟身, 好味 見到所有食客都望住廚房口, 一有點心出, 即時見好多人起身往一個方向行, 其實呢個時候兩個人都飽既啦, 見到有臘腸卷, 本想唔再要, 但男友一句"好耐無食臘腸卷", 好飽都要拿一碟來, 我咬左一啖, 即時驚喜到笑開了口, 連說:好味好味! 男友都笑住讚好味, 估唔到最後食的呢碟成為今日最好味的一樣.
今日雖然都係食唔到大包及麻蓉包, 但食到勁好味的臘腸卷, 我巳好滿足, 下次要較啱時間來再試過, 傻瓜, 收到沒, 你願唔願意陪?
张贴