時新漢堡飽 (已結業)

紅磡兩間時新嘅後繼店都食過，可以知道邊間好啲。黃埔呢間就真係差啲。以前食時新，個包又熱又脆，漢堡扒又多汁。而家呢間，咬落個包竟然係凍凍地，包面同只蛋都唔夠熱，芝士凍嘅，件扒又實，差！加埋杯朱古力咖啡，呢個就好有舊舖嘅特色，加色糖水一杯，又甜又稀，只有一點咖啡味，少少朱古力味。非常失望。呢間試一次就夠，要食返舊時新嘅漢堡，出返蕪湖街先得。