南小館 (ELEMENTS圓方) (已結業)

呢度環境裝修時尚，地方乾淨，枱與枱之間唔會太迫，進餐亦無限時，值得一讚，一坐低，侍應幫我用衣套蓋住我件褸，又經常加茶，到我埋咗單都仍為我加茶，我認為呢種連鎖小店子嘅服務係無得彈👍🏻👍🏻前菜樣子普通，尚算好味金網黃魚生煎鍋貼賣相特別，個網底令到入口感覺好脆，而且好夠熱，濃厚鮮味，充滿肉汁，不過皮稍嫌厚，而且非常油膩。老干媽炒年糕好煙韌，值得一讚，微辣，味道唔錯，佢用上豆豉去煮，味道更濃香，仲加咗啲茶樹菇，有心思，呢個菜雖然看上去好黑，但唔會太鹹，但都幾油膩，而且份量太少。阿娘雪菜黃魚麵魚肉滑，不過幾腥下，怕腥嘅朋友可能唔會接受，湯底相當好味，直情係飲魚湯一樣👍🏻，麵質軟硬適足，入口夠滑，整個麵做得頂瓜瓜👍🏻紅油抄手上枱好夠熱，皮薄，蝦肉夠鮮味，麻辣味足，呢個抄手反而唔油膩，做得好好👍🏻環境，服務，食物整體俾我嘅感覺舒服好味，價錢唔算太貴，會再幫襯👻。